KumaMonki

東大門DDP附近(Hello apm,Good morning city後面）有好多野食....其中一間上樓食人參雞.其實係連鎖店,不過因為近酒店就食呢間

叫左3樣野,招牌人参雞,人参雞粥,酸辣雞塊.
樣樣都好正,我最欣賞既竟然係酸辣雞塊. 同行友人話最好食係粥,話呢度D粥好特別喎. 

同一幢樓,人参雞下面個層係姜虎東燒肉....下午十二點去食,得我個台同埋隔離枱台灣人.....

兩個人叫左個套餐,大約30,000WON.識講普通話既阿豬媽仲好NICE咁招待我地...個招牌蛋好好食,可惜係我地無睇火,搞到佢老左D。

人参雞同姜虎東燒肉隔離幢樓,有挪夫家部隊鍋連鎖店。睇RUNNING  MAN既時候見到劉在錫佢地食得好滋味，所以抱有好大既期望。

叫左個二人餐，唔記得幾多錢，總之就唔係好平。食黎食去都係同一個味。我唔係好識欣賞。

人参雞同姜虎東對面有香港人至愛既ＩＳＳＡＣ。好好味架。
阿豬媽會為你即叫即製你既ＯＲＤＥＲ，熱辣辣，差Ｄ熱到咀都腫。

\

係東大門歷史文化站Exit 13直行就會係左手面見到首爾三大炸雞之一既TwoTwo炸雞。叫左份辣味炸雞番酒店做宵夜。Ｄ汁好正，好開胃，飲埋可樂，咁先至係Quality of Life！！

 TwoTwo炸雞 行前幾步，左邉望上去有一間开24hr的甜品店。熱辣辣脆多士夾年糕加雪糕。。。。正！！

可能因為天氣太凍,成日都好快肚餓 同想食D甜野.

見到DUNKIN DONUT （Maxstyle shopping mall 楼下）就自自然然走入去.次次都會食個DONUT加杯熱飲.今次飲MATCHA LATTE,味道OK咯！！

日日都見到DDP,搵晚去參觀吓順便睇埋個LED玫瑰花海.

覺得DDP好科幻,好似UFO咁.

上多層見到個玫瑰花海,好震撼,好浪漫呀. 

  

更多......

2014韓國首爾（part 1-Western CO-OP Residence,SPAREX汗蒸幕,明洞,高速地下街)

2014韓國首爾（part 2 之Lotte樂天超市)

2014韓國首爾（part 3 之滑雪)

2014韓國首爾（part 4 之弘大-立食牛肉,BEANS BINS,CHOU CAKE HOUSE,KyoChon Chicken橋村炸雞,DALSUDA甜玉米)

2014韓國首爾（part 5 之明洞)

2014韓國首爾（part 6 之廣藏市場+中部市場)

2014韓國首爾（part 7 之東大門-姜虎東燒肉，挪夫家部隊鍋連鎖店，ＩＳＳＡＣ，TwoTwo炸雞)